Philippines Report

May Mga Taga Tangke Dili Magboto ni Duterte

CEBU, Philippines – Gikaingong pipila ka mga lumolupyo sa Brgy. Tangke, Dakbayan sa Talisay ang wa mahimuot ug dili gustong botaran si Davao City Mayor Rodrigo Duterte gumikan sa iyang kampanya sa paggukod sa ilegal nga drugas kun siya mahimong presidente sa nasud.

Kasaligang tinubdan nibutyag sa Banat News nga ang grupo nila ni Mayor Johnny de los Reyes nagpahigayun og handshaking sa maong barangay inubanan sa pagpamilit sa ilang mga campaign posters.

Ang grupo nila ni Delos Reyes nisuporta kang Duterte hinungdan nga sila nipahulagway uban ni Duterte ug giisa pa ang ilang mga  kamot.

Ang tinubdan nagkanayon nga ang gipamilit nga posters nga adunay hulagway ni Duterte ug sa kandidatu pagkakonsehal ang gipanglaksi sa mga residente.

Kini tungod kay dili sila ganahan sa maong kandidatu nga magpapili pagka-presidente.

Ang tinubdan niingon nga ang mga nilaksi sa poster kadtong mga tawo nga nakabenepisyo sa negosyo nga ilegal nga drugas.

Gani ang tinubdan nakasagap og balita nga gipaubsan ang presyo sa shabu dungan sa pagpangampanya nga dili pabotaran si Duterte.

Sa nasayran, naila ang maong barangay nga “tiange sa shabu” tungod kay diha lang ipang-display sa karsada ang mga ilegal nga drugas nga daw sama og isda nga gibaligya.

Ang kapulisan sa ilang bahin niingon nga ang presyo sa ilegal nga drugas niubos og 60 porsiyento karon.

Ang matag gramo karon sa shabu mokantidad og P4,000 ikumpara sa P11,000 sa milabay nga tuig nga matud pa tungod kini sa subsob nga kampanya batok sa ilegal nga drugas.

Philippines Report

Credit: http://www.philstar.com/

Like this Article? Share it!

About The Author

Leave A Response