Sa pagdiriwang ng ika-100 taon ng Senado, ipinangako ni Senate President Koko Pimentel ang pagpapatuloy ng serbisyong pangunahing mithiin ay paglingkuran ang sambayanang Pilipino.

Ayon kay Senate President Koko Pimentel, ang makasaysayang anibersaryo ng Senado ay nararapat lamang ipagbunyi dahil sa mga nagawa nito simula noong una itong itatag noong Oktubre 16, 1916 hanggang ngayon.

“This milestone commemorates a rich past of meaningful legislative accomplishments with the ultimate aspiration of refining the lives of Filipino people,” saad niya.

Binanggit din niya ang matatagumpay na ambag ng ng Senado bilang isang institusyong demokratikong gumagawa ng mga batas patungkol sa ikabubuti ng mga Pilipino, pagsusuri sa mga pang-aabuso ng iba’t-ibang yunit ng gobyerno, at iba pa.

“The achievements of the 22 distinguished Senate Presidents before me and their respective colleagues have shown their profound passion to governance by imparting their expertise and their patriotic service to our citizens,” aniya.

Si Pimentel ang ika-23 na pangulo ng Senado, at ang ikalawang Mindanaoan na umupo sa pwesto. Ang kanyang amang si Aquilino “Nene” Pimentel, Jr., ay nagsilbi ring Senate President mula 2000-2001.

“As Senate President, it is an honor on my part to humbly carry the torch that was handed to me across the century, and I pledge to remain vigilant in facing the challenges ahead,” he then said.

Mula rin sa Senado ang mga kapita-pitagang lider ng bansa tulad nina Jovito Salonga, Jose Diokno, Benigno Aquino Jr., Lorenzo Tañada, Sr. at Miriam Defensor-Santiago.
Galing din dito ang ilan sa mga naging pangulo ng bansa- mula kay Manuel L. Quezon, Jose P. Laurel, Sergio Osmeña, Manuel A. Roxas, Elpidio R. Quirino, Carlos P. Garcia, Ferdinand E. Marcos, Joseph E. Estrada, Gloria Macapagal-Arroyo hanggang kay Benigno C. Aquino III.

Source: Remate